Indho Cade “ Xusbul Islaam waxa ay ahaayeen ridada Labaad hadda dhamaan ridada koowaad ayaan nala wada geeyey”
Wasiirka Gaashaandhiga Dowlada KMG ah ee Soomaaliya Sheekh Yuusuf Maxamed Siyaad ( Indhi Cade ) oo ka hadalay dilkii shalay loo geeystay Bare Cali Bare ayaa ku eedeeyey in ay dilka sarakaalkaasi ka tirsan Xisbul Islaam ay ka danbeeyeen Al Shabaab.
Waxa uu sheegay Wasiirka Gaashaandhiga dowlada Soomaaliya in kooxda Al Shabaab mid mid ay u qaarjineeyso saraakiisha ururka Xisbul islaam, Waxa uuna ugu baaqay ururka Xisbul Islaam in ay garataan hagardaamada lagu wado.
“Sheeydhaan Cali Dheere waxa uu lahaa dilka Muslimiinta waa xaaraaan , Bare Cali Bare waxaa dilay Al Shabaab marka dadkaasi miyaa la dhihi karaa Islaam ayaa ka badbaadaya” ayuu yiri Indho Cade.
Sidoo kale Indho Cade waxa uu sheegay in Al Shabaab goor hore Xisbul Islaam ay ku xukumeen in ay ridada Labaad yihiin haatan lagu daray ridada Kowaad ee ay dowlada u yaqaanaa Al Shabaab.
“Xusbul Islaam waxa ay Shabaab ugu xukunnaayeen ridada Labaad hadda dhamaan ridada koowaad ayaan nala wada geeyey marka waxaan leeyhay dadkaasi aan u midoowna |” ayuu yiri Indho Cade oo Xisbul Islaam ugu baaqay in dowlada ay ku soo biiraan.
Ugu danbeeyntii Indho Cade ayaa sheegay dowlada KMG ay u diyaar garoowday in weerar guul ka timaada ku qaadi doonto dadka uu ku tilmaamay in nabada Dalka ka soo horjeedaan.
|
No Comments have been Posted. - Wax Faalo ah ma Dirin.
|
|
Rating is available to Members only.
Please login or register to vote.
No Ratings have been Posted.
|
