Shabaab oo guul ka sheegtay Dagaalkii saaka iyo dowlada oo beenisay.
Afhayeenka Al Shabaaab Sheekh Cali Maxamuud Raage ( Cali Dheere) oo Saxaafada la hadlay ayaa sheegay in saaka weerar ay ku qaadeen fariisimo ciidamada dowlada , isagoona sheegay in ay la wareegeen aagag ciidamada dowlada KMG ay uga jireen degmada C/caiis ee gobolka Banaadir.
“ Mujaahidiinta weerar ayey saaka ku qadeen murtidiinta iyo saliibiyiinta Alaah ayana Mujaahidiinta ku guuleeyey in ay la wareegaan Hotel golobol iyo deegano kale haatana waxa ay mujaahidiinta ku sii socdaan meesha la yiraahdo Madaxtooyada” ayuu yiri Afhayeenka Al Shabaab Sheekh Cali Dheere.
Dhanka kalana Afhayeenka Wasaarada Warfaafiinta dowlada KMG ah ee Soomaaliya Sheekh C/risaaq Qeyloow oo maanta isna saxaafada ku la hadlay gudaha magaalada Muqdisho ayaa beeniyey hadalka ka soo baxay Al Shabaab oo ah in dowlada laga qabsaday Hotel golobol, waxaana sheegay in dagaalka qasaaro uu gaarsiiyey dad shacab ah , waxaa uuna carabka ku dhuftay in ay jiraan askar ka tirsan dowlada oo dagaalada saaka ku geeriyootay.
“ majiro meel dowlada laga qabsaday , Hotel Golobola waxaa ka horeeyey difaaca dowlada, marka waa riyo sheegashada Shabaab , anaga ayaaba durjinay ragaasi” ayuu yiri Qeyloow oo intaasi raaciyey in dowlada KMG talaabo qaadi doonto dhowaan.
Warar madax banana ayaa sheegaya in dagaalkii saaka lagu riixay ciidamada dowlada ee difaaca uga jira degmada C/casiis inkatoo wali halkaasi laga maqlayo rasaas goos goos ah oo ay dhinacyada isku weeydaarsanayaan.
|
No Comments have been Posted. - Wax Faalo ah ma Dirin.
|
|
Rating is available to Members only.
Please login or register to vote.
No Ratings have been Posted.
|
